- Sign In / Join
- Contact
- Odisha
- Change Language
ନାଇକେନପାଲିରେ ବିଶ୍ଵ ତମାଖୁ ବର୍ଜନ ଦିବସ ପାଳିତ-ତମାଖୁ ବର୍ଜନ ପାଇଁ ଶପଥ ନେଲେ ସ୍ଵାସ୍ଥ୍ୟ କର୍ମଚାରୀ
ସୁବର୍ଣପୁର/ନାଇକେନପାଲି/୩୧/୦୫/୨୨/ (ଆଧାର ଓଡିଶା) ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ତରଫରୁ ବ୍ଲକସ୍ତରୀୟ ବିଶ୍ଵ ତମାଖୁ ବର୍ଜନ ଦିବସ ପାଳନ ହୋଇଯାଇଛି। ବ୍ଲକ ତାଲିମ କେନ୍ଦ୍ରରେ ଅନୁଷ୍ଠିତ ଏହି ପାଳନତ୍ସୋବରେ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଅଧୀକ୍ଷକ ଡାକ୍ତର ସଂଗୀତା ଚୌଧୁରୀଙ୍କ ଅଧ୍ୟକ୍ଷତା କରି ତମାଖୁ ସେବନ କେବଳ ବ୍ୟକ୍ତିଗତ କ୍ଷତି ନୁହେଁ ବରଂ ସମଗ୍ର ପରିବେଶ ପାଇଁ ଏକ ଆତଙ୍କ ବୋଲି ଉଲ୍ଲେଖ କରିଥିଲେ । ସମ୍ମାନିତ ଅତିଥି ଭାବେ ଡାକ୍ତର ପୂଜାଶ୍ରୀ ମିଶ୍ର ଯୋଗଦେଇ ବ୍ୟକ୍ତି ସ୍ତରରେ ସଚେତନତା ହଁ ଏକ ସୁସ୍ଥ ଓ ତମାଖୁ ମୁକ୍ତ ସମାଜ ଗଠନରେ ସହାୟକ ହେବ ବୋଲି କହିଥିଲେ। ଏହି ଅବସରରେ ତମାଖୁ ବର୍ଜନ ପାଇଁ ଉତ୍ସର୍ଗୀକୃତ ଭାବେ କାର୍ଯ୍ୟ କରିବାକୁ ସ୍ଵାସ୍ଥ୍ୟ ଅଧିକାରୀ ଏବଂ କର୍ମଚାରୀମାନେ ଶପଥ ପାଠ କରିଥିଲେ। ସ୍ଵାସ୍ଥ୍ୟ ଶିକ୍ଷା ବିଶେଷଜ୍ଞ ତଥା ନାଇକେନପାଲି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରର ଜନସ୍ଵାସ୍ଥ୍ୟ ସଂପ୍ରସାରଣ ଅଧିକାରୀ ପ୍ରଦ୍ୟୁମ୍ନ କୁମାର ସାହୁ ସମଗ୍ର କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ଆୟୁଷ ଡାକ୍ତର ସରୋଜ ପଟେଲ, ବିପିଏମ ଅଶୋକ ମିଶ୍ର, ବିଏଏମ୍ ସୁଜିତ ସାହୁ, ସ୍ଵାସ୍ଥ୍ୟ ପରିଦର୍ଶକ ସୀମାଞ୍ଚଳ ଦାଶ, ସ୍ଵାସ୍ଥ୍ୟକର୍ମୀ ସରୋଜ ଗାନଙ୍କ ସମେତ ଡାକ୍ତରଖାନାର କର୍ମଚାରୀମାନେ ଉପସ୍ଥିତ ରହି କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ। ଠିକ ସେହିପରି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଅନ୍ତର୍ଗତ ସମସ୍ତ ସ୍ଵସ୍ଥ୍ୟ ଓ ଆରୋଗ୍ୟ କେନ୍ଦ୍ରରେ ଆଜି ଏହି ଦିବସ ପାଳିତ ହୋଇଯାଇଛି। ଏଠାରେ ସୂଚନାଯୋଗ୍ୟ ଯେ,ଗତ ୨୫ ତାରିଖରେ ନାଇକେନପାଲି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ତରଫରୁ ତମାଖୁ ବର୍ଜନ ପାଇଁ ଏକ ରାଲିର ଆୟୋଜନ ହୋଇଥିଲା। (ରିପୋର୍ଟ-ଯୁଧିଷ୍ଠିର ସାହୁ )
Recent Comments